|
Опис на проектот Советодавната група за животна средина и мониторинг (EMAG) беше формирана во 2005 год. од страна на Министерството за Транспорт и Врски (МТВ) на Република Македонија, како резултат на условите содржани во Договорот за Заем добиен од Европската Банка за Обнова и Развој (EBRD). EMAG има задача да го набљудува влијанието врз животната средина од изградбата на Скопската Обиколница, проект кој е делуно финансиран од страна на EBRD со цел да ги намали сообраќајните блокади во Скопје и загадувањето.
Членовите на EMAG се: Ана Чоловиќ од невладината организација Еко-свест/CEE Bankwatch Network, Исак Ферати, од Министерството за Транспорт и Врски, Димитрија Тасевски од Фондот за Магистрални и Ргионални патишта и Сокол Клинчаров од Министерството за животна средина и просторно планирање. Членови се исто така и Игор Пачовски, претставник од селото Волково и Роберт Марковски, пртставник од селото Орман, кои се наоѓаат по должината на трасата на обиколницата. Претседавач со групата е Мониторот за животна средина назначен од страна на EBRD, Timothy Van Epp, независен консултант. Координаторите за животна средина од Терна и ГИМ се исто така поканети да присуствуваат на состаноците на EMAG за да ја набљудуваат работата и одговараат на прашањата на членовите на групата.
EMAG ќе се состанува на секои три месеци во просториите на Регионалниот центар за заштита на животната средина за Централна и Источна Европа (РЕЦ). Состаноцит ќе бидат објавувани за медиумите две недели однапред на веб страните на РЕЦ и EBRD. Канцеларијата на РЕЦ во Македонија доби грант од страна на EBRD во висина од 15.000 УСД за да овозможува логистичка поддршка на работата на EMAG групата во периодот 2006-2008 год.
|
|
