Развивање на Национална Стратегија за имплементација на Кјото Протоколот во Република Македонија
Со задоволство Ве информираме дека потребата од поставување на институционална рамка во Македонија за функционирање на Механизмот за чист развој ( Clean Development Mechanism - CDM) од Кјото протоколот иницираше започнување на проектни активности од страна на УНДП и Канцеларијата на РЕЦ во Македонија во заедничкиот проект "Развивање на Национална Стратегија за имплементација на Кјото Протоколот во Република Македонија". Министерството за животна средина и просторно планирање е главен партнер и корисник на проектот.
Цел на проектот:
Целта на проектот е да се помогне на Владата на Република Македонија во поставувањето на најсоодветна национална правна и институционална рамка за одвивање на Механизмот за чист развој (CDM) и идентификација на секторите и типовите проекти кои ќе придонесат кон намалување на емисиите на стакленички гасови во нашата земја.
Со цел да се лоцираат сите заинтересирани страни и чинители во темата климатски промени и нивните специфични улоги и интереси во оваа проеблматика, Канцеларијата на РЕЦ воМакедонија подготви Матрица на заинтересираните страни. Главна цел на подготвување на оваа матрица е да се има увид на владините институции, бизнис фирмите, консултантските куќи, академските институции и лицата кои работат и/или имаат интерес да работат на проблематиката на климатските промени. Целта е истите да бидат поканети на заедничките настани кои ќе се организираат во рамките на проектните активности и кои ќе обезбедат активно учество при консултативниот процес на подготовката на Националната Стратегија за имплементација на Кјото Протоколот во Република Македонија.
|
Одржана дводневна работилница Меѓународно искуство во имплементацијата на Кјото Протоколот Во рамките на проектот во периодот 6-7 февруари во Скопје е одржана дводневна работилница Меѓунардоно искуство во имплементацијата на Кјото протоколот. Цел на работилницата беше да се даде кратко претставување на тековниот процес на подготовка на Националната Стратегија за имплементација на Кјото Протоколот во нашата земја, а во истовреме да се даде преглед на меѓунардоното искуство и научените лекции во иницирањето и спроведувањето на CDM проекти во рамките на Кјото Протоколот. На работилницата присуствуваа повеќе од 60-тина учесници како претставници од владините институции, бизнис компаниите, консултантските куќи кои работат во делот на животната средина, професионалните асоцијации, академските институции и невладиниот сектор. Од спроведената анализа на задоволност од учениците во поглед на понудените презентации, водените дискусии и новите сознанија здобиени од страна на меѓународните експерти, може да се заклучи дека учесниците се доста задоволни од можноста да присуствуваат на настанот и дадат свој придонес кон спроведувањата на барањата на Кјото Протоколот преку иницирање на CDM проекти во нашата земја.
Контакт лице: Славјанка Пејчиновска-Андонова , Раководител на проекти |
Дневен ред на работилницата (PDF 89KB) Листа на учесници на работилницата (PDF 22KB) Презентации на домашните и меѓунардоните експерти: Kyoto mechanisms-overview (PPT 252KB) International Experience of CDM (PPT 469KB) MDG Carbon Facility (PPT 229KB) UNFCCC and the Kyoto Protocol (PPT 530KB) Introduction of the CDM and project types (PPT 221KB) Kyoto institutional framework (PPT 186KB) Status of implementation of KP in CEE (PPT 155KB) |
