|
Проектот е финансиран од Шведската агенција за меѓународен развој и соработка |
 |
|
|
 |
Општините Пробиштип, Дебар, Зелениково, Чашка, Босилово и Валандово ќе добијат финансиска помош за изготвување на Локален Акционен План за Животна Средина според современа методологија. Постапката за изработување на ЛЕАП ќе се одвива во согласност со новите закони од областа на животната средина во Република Македонија и во иста линија со новиот Национален Еколошки Акционен План (НЕАП), со воведени еколошки индикатори за оцена на квалитетот на животната средина на локално ниво според стандардите на Европската Агенција за животна средина. Откако стратешките ЛЕАП документи ќе бидат усвоени од страна на Советите на општините, истите ќе можат да одберат приоритетни акции од планот со кои ќе аплицираат во т.н. имплементационен фонд. Паралелно со финансиската помош, поголем број претставници од корисничките општини ќе се стекнат со нови знаења од областа на животната средина, со што директно ќе се зајакнат локалните капацитети за планирање и управување со животната средина кои
воедно се и нови надлежности на општините во процесот на децентрализација.
Свеченото потпишување на договорите со Градоначалниците на корисничките општини се одржа на 9 Април 2008 год, во хотелот “Инекс Горица” во Охрид. На потпишувањето на договорите свое обраќање имаше Г. Даниел Асплунд, која ја изрази политичката поддршка на Кралството Шведска спрема Република Македонија, изнесе препораки за општините, а исто така ги образложи и приоритетните цели и активности на Сида во областа на животната средина.
Првиот семинар “Почетниактивности заизработка на ЛЕАП” сеодржа во хотелот “Инекс Горица” во Охрид, од 06- 09 Мај 2008 год. На семинарот присуствуваа по 6 претставници од селектираните општини.Семинарот беше искористен за запознавање на претставницитена општините со активностите кои секојаопштина треба да ги превземе заради започнување наизработката на ЛЕАП. При тоа беа дискутирани следните
теми: Формирање на организациска структура за изработка на ЛЕАП, изработка на проценка на состојбата со животната средина во општината и изработка на план за вклучување на јавноста во процесот на изработка на ЛЕАП. По завршување на семинарот, секоја од општините треба да ги реализира подготвителните активности за изработка на ЛЕАП.
Компонента 1 - Финансиска поддршка за развивање на ЛЕАПи
Компонента 2 - Финансиска поддршка за спроведување на ЛЕАПи
Компонента 3 - Регионална размена за развивање и спроведување на ЛЕАПи во Федерацијата Босна и Херцеговина, Македонија, Србија и Косово (како што е дефинирано според УНСЦР 1244).
